ལོ་མ།

༅༅།། སྙན་འཇེབས་རོལ་དབྱངས་ཀྱིས་བསླངས་པའི་གོམ་ཁ་འདི། འཆར་སྣང་གི་ལག་པས་དྲུད་པའི་སེམས་པ་འདི། དལ་ཅག་གེར། གཅིག་པུར་མཚོ་འགྲམ་ནས་འགྲོ་དུས། ཁྱེད་ཀྱི་སེམས་པ་དེ། ཤིང་ལོ་བཞིན་འཕུར་བྱུང་། ཁྱེད་ཀྱི་སྐྲ་ལོ་དེ། ལོ་འདབ་བཞིན་དཔྱང་བྱུང་། ངས་ཐ་ན་ཁྱེད་ཀྱི་བཞིན་རས་ཀྱི་ལོ་དབྱིབས་ལའང་བལྟ་ཐུབ་པའི་ཚོད་དུ་སྣང་།

ཉི་མ་དམར་ལམ་ལམ་དང་། སྤྲིན་པ་དཀར་ལོང་ལོང་དེ་ཚོར་བལྟ་བཞིན། རླུང་བུ་གྲང་བསིལ་བསིལ་ནང་འགྲོ་སྐབས། སེམས་ཀྱི་མེ་ལོང་དུ། ལྗང་མདོག་གི་ལོ་མ་ཁྱེད་ཤར་བྱུང་། བལྟ་གིན་བལྟ་གིན་དུ། ཁྱེད་ཀྱི་སྐད་སྒྲའང་ཐོས་ཐུབ་པའི་ཚོད་དུ་སྣང་།