2013-07-06

མིག་ཆུས་བསྒྲིབས་པའི་ལག་རས།

ནག་ནག་མུན་པ་ཡི་ཡོལ་བས།།
ཕྱི་རོལ་འཇིག་རྟེན་དེ་བཏུམས་ཚེ། །
ཁྱེད་རྗེས་སྙེག་པ་ཡི་རྐང་ཟུང༌།།
རྟ་ཕོའི་རྒྱུག་ཤེད་ཀྱི་དོ་ཟླ།།


རླུང་ཡན་ཧུར་ཧུར་གྱི་སྒྲ་ལས།།
ཁྱེད་རང་ཐོན་ཁ་ལ་འདུག་ཟེར།།
ལུས་པོ་བདེ་འདོད་ཅིག་བསམས་ཀྱང༌།།
སེམས་པ་སྡོད་ཚུགས་རང་མི་འདུག །


མི་ཡུལ་མུན་ནག་གི་ནང་དུ།།
མི་ངའི་དགའ་ས་དེ་ཁྱེད་ཉིད།།
ཁྱེད་རང་ཐོན་ནའང་ཆོག་ག།།
ང་ཡི་སེམས་པ་འདི་གཞག་རོགས། །


ཕྱོགས་མཚམས་མི་ཚོགས་རེའི་ཐོག་ལ།།
རེ་བའི་མིག་མྱུལ་རེ་བྱས་ཀྱང༌།།
འདྲ་འདྲ་མང་པོ་ཞིག་མ་གཏོགས།།
ཁྱེད་ཀྱི་གཟུགས་བརྙན་ཡང་མ་མཐོང༌།།