2017-03-26

སྙན་མིག་ལོང་སོང་།


གྲོགས་པོ་འགས་སྙན་ངག་འབྲི་དགོས་པའི་བསྐུལ་མ་བྱུང་རྗེས།

ནམ་མཁའ་ཡངས་ཀྱང་།།
གཤོག་པ་ཆད་པའི་བྱ་ལ་ཅི།།
བལྟ་བྱ་མཛེས་ཀྱང་།
ལྟ་བྱེད་ལོང་ལ་ག་རེ།

འགྲོ་འདོད་པའི་ལམ་དེ་ནམ་མཁའ་བཞིན་མཐའ་མེད་དུ་བསྐྱེད་དུས།
ངའི་སྙིང་ཁ་འདི་ས་སྟེང་གི་རྩྭ་ལྗང་གཅིག
ལམ་སྟེང་གི་རྐང་རྗེས་ཤིག
རླུང་གཅིག་གིས་འགུལ་བདེ། ཤུགས་གཅིག་གིས་བསུབས་སླ།

ཀྱེ་མ། ཁྱེད་ཀྱིས་ད་ནས་ཐོས་པར་མི་འགྱུར།
མཐོང་བར་ཡང་མི་འགྱུར།
རྒྱུ་མཚན་ནི། ངའི་སྙན་ངག་གི་མིག་ལོང་ཟིན།

༢༠༡༧།༠༣།༢༧ མཚན་མོར།