འགྲོ་འདོད་ཡོད་པ་ཁྱེད་རང་རེད་ལ་ང་རང་ཡང་ཡིན།
དགོན་ཤུལ་ན་བསྐྲུན་པའི་ཁང་བརྩེགས་འདི་ཚོའི་ནང་ན།
སྡོད་འདོད་མེད་པ་དེ་ང་གཅིག་པུ་ག་ལ་ཡིན།
སྤུན་ཟླ། ཁྱེད་རང་སླར་ཡང་རང་ཡུལ་གྱི་བཙོན་དོང་དུ་ཕེབས་དུས།
ང་རང་མུ་མཐུད་གཞན་ཡུལ་འགྲིམས་དགོས་འདུག
ང་ཚོའི་ལྷན་འཛོམས་དེ་སོག་པོའི་ལུག་ཤ་བཞིན་ཞིམ་ཡང་།
ང་ཚོའི་གནས་སྟངས་དེ་རྦི་རག་གི་ལྦུ་བ་བཞིན་ཧ་ཅང་ཧ་ཅང་གིས་སྐྱེན་ཨང་།
སླར་ཡང་མཇལ་ཡོང་། ཤ་ཁྲག་གཅིག་པའི་སྤུན་ཟླ།
རང་ཡུལ་གྱི་བཙོན་དོང་གཏོར་ཏེ།
གཞན་ཡུལ་གྱི་མིག་ཆུ་སྐམ་སྟེ།
རང་དབང་དང་དྲང་བདེན་གྱི་ཉི་མའི་འོག་ཏུ།
ང་ཚོ་སླར་ཡང་མཇལ་ཡོང་།
ངོ་མ་ཡག་སོང་། བཀའ་དྲིན་ཆེ། ཡིད་ཀྱི་འགྱུར་བ་མཚོན་པའི་སྙན་ངག་ཅིག་རེད་ལ། བྲལ་ངའི་སྐྱོ་གདུང་དང་། སྤུན་ཟླའི་མཛའ་བརྩེ་གསལ་བའི་སྙན་ངག་ཡག་པོ་ཞིག་ཏུ་མཐོང་།
ReplyDeleteཨ་འདུས་མིག་ཆུ་ལགས་ཀྱིས་གདེང་འཇོག་གནང་བར་ཐུགས་རྗེ་ཆེ།
ReplyDelete