2013-10-23

ངའི་འདུན་པ་མིན།

ཁུ་སིམ་འདི་ངའི་འདུན་པ་མིན་ལ།
འབྲེལ་བ་མི་བྱེད་པ་དེ་ངའི་བསམ་ཚུལ་མིན།

ཡུན་རིང་ཡུན་རིང་དུ་འཐམས་ཏེ།
ཁྲི་ཁྲི་འབུམ་འབུམ་ཞིག་བཤད་ལོས་ཐུབ་ཀྱང་།
བཟོད་མི་ཐུབ་པ་དེ།
མྱོང་མི་ཐུབ་པ་དེ། དེའི་མཇུག་གི་དགུན་ཁ་དེ་རེད།

ཁྱེད་རང་སྔར་བཞིན་སྤྲིན་པ་ལྟར་ཕེབས་རོགས།
ཁོ་བོ་སྔར་བཞིན་ཉི་མ་བཞིན་ཤར་ཡོད།
འོས་འཚམས་ཀྱི་རྒྱང་ཐག་དེ་ཡོད་ཕྱིན།
ཁྱེད་ཀྱིས་ང་བསྒྲིབས་ཆོག་ལ། ངར་བརྒྱན་ནའང་ཆོག


ཁུ་སིམ་འདི་ངའི་འདུན་པ་མིན་ལ།
འབྲེལ་བ་མི་བྱེད་པ་དེ་ངའི་བསམ་ཚུལ་མིན།

No comments:

Post a Comment