༅༅།། ཕྱོགས་དང་མཐའ་དང་མུ་མེད་པའི།།
རི་རྒྱལ་དེ་ཡི་རྩེ་མོ་རུ།།
གཡུ་ཡི་ལོ་མའི་ནགས་ཚལ་ན།།
ཁྱེད་སྐུའི་སྒྱུ་འཕྲུལ་བཞུགས་ཞེས་ཐོས།།
བྱིའུ་ཆུང་འཇོལ་མོས་སྔོན་ལས་ཟེར།།
དྲི་ཞིམ་རླུང་བུས་ལས་དབང་ཟེར།།
གང་ལྟར་ཁྱེད་ཀྱི་བྲག་རི་ལ།།།
ང་ཡི་རྒོད་པོ་རྟག་ཏུ་འཁོར།།
ཁྱེད་ཀྱི་གཡུ་ལོའི་གུར་ཁང་དུ།།
ཞི་བདེའི་འོད་ཟེར་འཕྲོས་ནས་ཡོད།།
རང་དབང་མེ་ཏོག་བཞད་ནས་ཡོད།།
བརྩེ་བའི་འཇའ་འོད་འཁྱུག་ནས་ཡོད།།
མ་བསམས་ཡིད་ཀྱི་འཆར་སྒོ་རུ།།
ཁྱེད་སྐུ་གངས་དཀར་ལྷུན་པོ་ལ།།
ལངས་འཚོའི་ཉི་ཟེར་བཀྲ་བ་མཐོང་།།
ནུ་འབུར་ལྷ་བྱ་བརྩེན་པའང་རིག །