2013-03-17

འབྲེལ་སྙིང་།

ཞོགས་པ་མལ་ལས་ལངས་དུས།
རི་ཚོགས་ལྟ་བུའི་རོལ་དབྱངས་དེའི་རྒྱབ་ན།
ནམ་མཁའ་ལྟ་བུའི་ཁྱེད་རང་མནར་བ་ཚོར་བས།

དགོང་མོ་མལ་དུ་ཉལ་དུས།
ནགས་ཚལ་འདྲ་བའི་སྙན་ངག་བར་ན།
ས་གཞི་ལྟ་བུའི་ཁྱེད་རང་ངུ་བ་ཤེས་པས།

ཉིན་མོ་རྒྱང་རིང་དུ་བལྟ་དུས།
སྤྲིན་པ་བཞིན་གྱི་གཏམ་བརྒྱུད་ཁྲོད་དུ།
མེ་ལྕེ་བཞིན་དུ་ཁྱེད་རང་འབར་བ་རྟོགས་པས།

སྤྲིན་དཀར་ལ་བལྟ་བཞིན། ས་གཞི་ལ་འགྲམ་པ་སྦྱར་གྱིན། ཁྱེད་ཀྱི་སྐྱོ་གདུང་གི་འཁྱག་རོམ་དེ། ངའི་སྙིང་ཁ་དྲོན་མོས་མྱོང་བཞིན་ཡོད། _ཉིན་རྟག་པར།